تربیت اولاد کا نرالاانداز

میرا ایک دوست ہےجوشرافت اور ظرافت کا حسین مزاج رکھتاہےسینکڑوں ایسے لطیفے ان کو ازبرہیں جو سننے والے کودیر تک لطف اندوز رکھتے ہیں وہ جب بھی بنوں آتے ہیں میری کوشش ہوتی ہےان سے ملاقات ہوجائے اور کچھ دیر تک ان کی میھٹی،رسیلی اور پُرمزاح گفتگو سے محظوظ ہوجاٶں. دو دن پہلے ان سے ملاقات ہوئی ننھامنھا پیارا بھتیجا بھی ان کےساتھ تھابچہ محفل میں ہو اور شرارتیں نہ کرے تو بیمارلگتا ہےسچی بات یہ ہے کہ بچوں کی مخلصانہ شرارتوں پہ مجھے رشک آتا ہے دوست میرے ساتھ مصروف گفتگو تھے مگر وہ وقتاً فوقتاًبھتیجے کی طرف دیکھتے،ان کو محبت بھرےلہجے میں،انتہائی پیار سے سمجھاتے بیٹا یہ نہ کریں،یہ مناسب نہیں،آپ اچھے بچے ہیں،شاباش ایسا کریں،یہ نہیں کھانا آپ کو کھانسی ہے،کھانے کے لئے اس طرح بیٹھنا ،ہاتھ کو اس طرح صاف کرنا ، وہ جس انداز میں سمھجارہے تھے مجھے بہت اچھا لگ رہا تھااورزیادہ خوشی کی بات میرے لئے یہ تھی کہ چھوٹا بچہ اپنے چچا کی ہر بات کو مان رہا تھااور ناگواری کی کوئی کیفیت بچے کے چہرے پہ دیکھنے کو نہیں ملتی بلکہ مثبت اثرات ان کے چہرے پہ پھیلتے ہوئے محسوس ہوتے “ میں دوست کی باتوں اور حرکتوں کو سنجیدگی سے دیکھ رہا تھابلکہ ان سے اندازِ تربیت سیکھ رہاتھا.رخصتی کے موقع پر میں نے ان کو خراجِ تحسین پیش کرتے ہوئے عرض کیاآج آپ نے مجھے عملی طور پر بتایاکہ چھوٹے بچوں کی بہترین تربیت یوں بھی ہوسکتی ہےکہ ڈانٹنے کی بجائےان کی شرارتوں کوبہترین تربیت میں بدلا جاسکتاہےضرورت مگر اس بات کی ہے کہ ہم تربیتِ اولاد کے معاملہ میں سنجیدہ ہوجائیں،تھوڑا اپنے اندرحوصلہ پیدا کریں۔ رعب جمانا چھوڑدیں۔ محبت سے سمجھانا سیکھیں اور بچوں سے محبت کرنا سیکھیں تو مجھے یقین ہے والدین کا بوڑھاپا شاندار ہوگا“ میرا دوست چلا گیا مگر ابھی تک اس کے حسنِ تربیت کا اثر دل ودماغ پہ نہ صرف چھایا ہوا ہے بلکہ اسی وقت سےمصمم ارادہ بھی کیاکہ آج کے بعد بچوں کی تربیت کا یہ طریقہ اپنی زندگی کا حصہ بناٶں گا.اللہ رب العزت تمام بچوں کو والدین کی آنکھوں کی ٹھنڈک بنائے.